Бүгін ақиық ақын Мұқағали Мақатаевтың 90 жылдығына орай Кенен Әзірбаев атындағы Жамбыл облыстық филармониясының ұйымдастыруымен «Соғады жүрек» атты әдеби сазды кеш өтті.

Елбасының «Болашаққа бағдар: рухани жаңғыру» бағдарламасының «Ұлы даланың ұлы есімдері» жобасы аясында өткен концертте Кенен Әзірбаев атындағы Жамбыл облыстық филармониясының әншілері ақынның шығармаларын оқып, «Есіңе мені алғайсың», «Аңғал досым», «Құмған алған», «Туған өлке», «Жапырақ жүрек жас қайың», «Үкім менің», «Аңса жаным» т.б. Мұқағали Мақатаевтың сөзіне жазылған танымал туындыларын орындады.