22-24 маусым аралығында Қазақстан Республикасының Мәдениет және Спорт министрлігінің қолдауымен "Қазақконцерт" Мемлекеттік концерттік ұйымы, Концерттік гастрольдік орталығының ұйымдастыруымен Алматы облысы Жамбыл атындағы мемлекеттік филармониясында "СӘЛЕМ ЕЛОРДА ||" өңірлер өнерінің керуен-фестивалі өтті. Дәстүрге айналған фестивальде Кенен Әзірбаев атындағы Жамбыл облыстық филармониясының әртістері, Мәдениет саласының үздіктері Оңал Азаматова және Балнұр Солтанбекова өнер көрсетті.

Еліміздің барлық өңірінің үздік орындаушыларын жұмылдыратын «Сәлем, Елорда!» республикалық өнер фестивалі былтыр Нұр-Сұлтан қаласында бастау алып, биыл Алматы қаласы, Ақмола, Батыс Қазақстан, Шығыс Қазақстан облысында өткізу жоспарланған.