Бүгін Мәдениет пен өнерге еңбегі сіңген бір топ әріптестеріміз Облыс әкімі Бердібек Сапарбаевтың қабылдауында болды. Жиын барысында ұжымда талай еңбек еткен Көркемдік жетекші Әріпбай Мұханұлы Мұсапанов «Облысқа сіңірген еңбегі үшін» төс белгісімен, әртіс Орынбаева Торғын және Қазақ ұлт аспаптар оркестрінің әртісі Балнұр Бақәділқызы Солтанбекова «Мәдениет саласының үздігі» төс белгісімен наградталды.

Сонымен қатар талай сахнада өнер көрсетіп келе жатқан Мәдениет саласының үздігі Маралбек Бабақұлов және әнші Әсел Уашева облыс әкімінің арнайы марапатына ие болды.

Ұжым атынан әріптестерімізді құттықтай отырып, еңбектеріне табыс, дендеріне саулық, жұмыстарына сәттілік тілейміз.