Қадірлі жерлестер!

Баршаңызды Ұлттық мереке – Республика күнімен шын жүректен құттықтаймын!

Бұл мереке біртұтас Қазақстанның берекесі мен бірлігінің, әрбіріміздің туған өлкемізге деген шексіз сүйіспеншілігіміз бен адал еңбегіміздің нәтижелі нышаны деп білемін.

Тарихи мәні терең, идеологиялық жүгі жоғары айтулы күн еліміздің бүгіні мен ертеңіне адал қызмет ететін, ерен істер мен елеулі бастамаларды жалғастыратын барша азаматтың отаншыл рухын оятып, сенім мен жауапкершілік сезімін қалыптастырады.

Сіздерге КЕНЕН АТА ФИЛАРМОНИЯСЫНЫҢ ҰЖЫМЫ мықты денсаулық, отбасыларыңызға бақыт, сәтті күндер, зор жетістіктер тілейді.

Еліміздің дәулеті, жеріміздің сәулеті жолындағы игілікті істеріңіз табысты болсын!

Ізгі тілекпен, К.Әзірбаев атындағы Жамбыл облыстық филармониясының диеркторы, Қазақстанның еңбек сіңірген қайраткері С.Ш.Түктібаев.