Кенен Әзірбаев атындағы Жамбыл облыстық филармониясы «Ұлы даланың жеті қыры», «Болашаққа бағдар: Рухани жаңғыру» бағдарламалары аясында 24 ақпан күні сағат 18.00-де «Баласағұн» ОКЗ-да «КҮЙ – ШЕЖІРЕ, ӘН – АРМАН!» атты концерттік бағдарламасын ұсынды. Концерт Қазақстан Республикасы Тәуелсіздігінің 30 жылдығы аясында жыр алыбы Жамбыл Жабаевтың 175 жылдығы, күй анасы Дина Нұрпейісованың 160 жылдығы, композиторлар, ҚазКСР халық әртістері Ахмет Жұбанов пен Латиф Хамидидің 115 жылдығы, композитор, дирижер, композитор, домбырашы, Қазақстанның халық әртісі Қаршыға Ахмедьяровтың 75 жылдығына арналды. Концертте ҚР Мәдениет және Еңбек сіңірген қайраткерлері, ҚР Мәдениет саласының үздіктері, Халықаралық және республикалық байқаулардың лауреаттары сонымен қатар «Ақкербез», «Айша Бибі» би ансамблдері, филармонияның дәстүрлі әншілері өнер көрсетті.