4 сәуір Байзақ ауданындағы Кенен Әзірбаев атындағы балалар саз мектебіне халық ақыны, жырау, дүлдүл әнші, көрнекті композитор Кенен Әзірбаевтың 140 жылдығына орай ескерткіштің қойылуына арналған концерттік бағдарлама берілді. Концертте К.Әзірбаев атындағы Жамбыл облыстық филармониясының әртістері Дастан Көреген бастаған “Алатау” фольклорлық ансамблі, Айгүл Мақашова, Мерей Абуева, “Жамбыл” триосы, Сүндет Байғожин, Бейбіт Мусаев, Ержан Максим өнер көрсетті. Игі шараға Кенен атаның ұрпақтары, ардагер ұстаз, әншi, Қазақстан Республикасының «Халық ағарту iсiнiң үздiгi», «Мәдениет қайраткерi» белгiсiнiң иегерi Төрткен Кененқызы, Жазушылар одағы мен Журналистер одағының мүшесі, белгілі қаламгер, аудармашы, сазгер, Қордай ауданының құрметті азаматы Бақытжан Кененұлы, “Кенен” қорының басшысы, өнер шебері Мұхтар Бақытжанұлы, сонымен қатар аудан тұрғындары қатысты.