28 сәуірде «Баласағұн» ОКЗ-да Жамбыл облысы әкімдігінің мәдениет, архивтер және құжаттама басқармасының қолдауымен, Облыстық Халық Шығармашылығы Орталығының ұйымдастыруымен ҚР еңбек сіңірген мәдениет қызметкері, «Құрмет» орденінің иегері, ақын, сазгер Аяз Бетбаевты еске алу кешіне арналған концерт өтті.

Концертке Аяз Бетбаевтың шәкірті, «Қазақ ұлттық әдет-ғұрып,салт-дәстүр» академиясының профессоры, ҚР Мәдениет қайраткері, Меркі ауданының құрметті азаматы, ақын, жыршы, сазгер Бейбіт Шошабаев бастаған өнер шеберлері, К. Әзірбаев атындағы Жамбыл облыстық филармониясының әншілері қатысты.