25 қазанда Қырғызстандағы Қазақстан Елшілігінің ұйымдастыруымен Бішкек қаласында ресми дипломатиялық қабылдау өтті.

Салтанатты кеште К.Әзірбаев атындағы Жамбыл облыстық филармониясының «Алатау» фольклорлық ансамблі музыкалық композициямен қонақтарды қарсы алды. Сонымен бірге, «Қырғызстан мен Қазақстан – достықтың алтын көпірі» атты мерекелік концерт берілді. Концертте қазақ-қырғыз әндері мен күйлері әуеледі.

Елшілік тарапынан өнер көрсеткен әртістерге, «Алатау» фольклорлық ансамбліне және оның көркемдік жетекшісі Дастан Көрегенге, Оңал Азаматоваға, Ғани Мәтебаевқа, Айгүл Мақашоваға шексіз ризашылық айтылды.