3 қараша күні Эр-Рияд қаласында Қазақстан Республикасының Сауд Арабиясындағы Елшілігі Қазақстан мен Сауд Арабиясы Корольдігі арасындағы дипломатиялық қарым-қатынастың орнатылғандығына 30 жыл толуына арналған Ұлттық күнге орай қабылдау шарасын өткізді. Игі шара барысында К.Әзірбаев атындағы Жамбыл облыстық филармониясы концерт ұсынды. Өнер көрсеткендер: «Ақкербез» би ансамблінің солисткалары Айнұр Баймахамбетова, Аружан Қарабаева, Айшат Миссирова, Асем Сенгербаева және әншілер Алмас Қырғызалиев, Мадина Бердиярова. Елшілік осы өнер ұжымын бастап апарған филармония директоры, Қазақстанның еңбек сіңірген қайраткері Түктібаев Сейітқасым Шерімұлына және әртістерге алғысын білдірді.