Көңілді күйге бөлеп, дарқан даланы асқақ әнімен тербеткен, сөз маржанынан асыл ойлар тұндырып, телегей-теңіз жыр тудырған таланттар халқымызда көп-ақ. Солардың бірі – екі ғасыр тоғысында өмір сүрген, бұрын өткен ақын-жыраулар мен әншілерден қалған алтын сынықтай дарабоз өнерпаз, ақын, көрнекті композитор Кенен Әзірбаевтың мәңгі өшпес туындылары ұлттық мәдениетіміздің алтын қорына қосылған баға жетпес асыл қазына болып табылады.

Елімізде халқымыздың біртуар перзенті Кенен Әзірбаевтың биыл 140 жылдық мерейтойы аталып өтуде. Осы орайда, Тараз қаласында 2024 жылғы 11 қазан күні «Баласағұн» ОКЗ-да жамбыл облысы әкімдігінің қолдауымен, Жамбыл облысы әкімдігінің мәдениет және тілдерді дамыту басқармасы «Кенен Әзірбаев атындағы Жамбыл облыстық филармониясы» КМҚК ұйымдастыруымен Кенен Әзірбаев атындағы «Шырқа, даусым» ХІІ Республикалық дәстүрлі әншілер конкурсы өтті.

Конкурстың мақсаты: Кемеңгер Кенен атаның шығармаларын халыққа кеңінен дәріптеп, халқымыздың  төл өнерінің  бірі - дәстүрлік әншілікті жаңғырту; Ұлттық мәдениетті сақтау және дамыту, қоғамдағы рухани құндылықтарды нығайту; Дарынды жастардың танылуына жан-жақты мүмкіндік жасау, тәжірибе алмасу, орындаушылық шеберліктерін қалыптастыру; Халықтың рухани сұранысын қамтамасыз етуде өскелең ұрпақты адамгершілік пен патриоттыққа тәрбиелеу бағытында дәстүрлі өнер жанрындағы туындыларды насихаттау.

Конкурсқа Байзақ, Жамбыл, Мойынқұм, Қордай аудандары мен Қаратау, Тараз қаласынан, Астана қаласы, Жетісу облысы, Алматы қаласы, Алматы облысы, Қостанай облысы, Түркістан облысы, Шымкент қаласы, Қызылорда облысы, Абай облысы, Ұлытау облысынан 18 өнерпаз қатысты.

Конкурстың І кезеңіне қатысып, белсенді өнер көрсеткендері үшін 9 өнерпазға Алғыс хаттар және 50 000 теңге сыйақысы берілсін. Олар: Бақтияр Ұлжан Мұратқызы - Жетісу облысы, Сейтқұл Бақтияр Арғынбекұлы - Жамбыл облысы, Талас ауданы, Құнанбай Абылай  Айбекұлы - Жамбыл облысы, Нұртуған Абылайұлы – Шымкент қаласы, Тәжібаев Ерғат Сейфуллинұлы - Жамбыл облысы, Қордай ауданы, Бақтыбайұлы Сәулетбай - Алматы қаласы, Бибол Гаппар - Түркістан облысы, Қанағатова Әсем Ердосқызы - Алматы қаласы, Қайып Бейбіт Жанатұлы – Шымкент қаласы.

4 өнерпазға Дипломдар мен 50 000 теңгенің қаржылай сыйақы берілді. Олар:Саниязбекұлы Айдос  - Абай облысы, Ақық Қанибек - Қызылорда облысы, Жәкіш Фархад Сұңғатұлы - Ұлытау облысы, Утемуратов Жасұлан Құралбекұлы - Қостанай қаласы.

«Кенен Ата» қорының арнайы сыйлығы берілді (теледидар) - Утемуратов Жасұлан Құралбекұлы - Қостанай қаласы.

ІІІ орын - 200 000 теңгенің сертификаты - Көштаев Бекарыс Жәнібекұлы - Жамбыл облысы.

ІІІ орын – 200 000 теңгенің сертификаты - Таңатарова Айбике Сапарқызы - Қостанай облысы.

ІІ орын – статуэтка және 400 000 теңгенің сертификаты - Сәлімхан Нұрдана - Алматы қаласы.

І орын – статуэтка және 700 000 теңгенің сертификаты Абуева Мерей Пернебекқызы - Жамбыл облысы.

«Бас жүлде» - статуэтка мен 1 000 000 теңгенің сертификаты берілді: Сағындық Аружан Айтманқызы - Түркістан қаласы.

Қазылар құрамында: Қазақстан Республикасының Халық әртісі, Қырғызстанның еңбек сіңірген әртісі, Мемлекеттік сыйлықтың лауреаты, «Парасат» орденінің кавалері, әнші-композитор, төраға - Алтынбек Қоразбаев, құрамында: Қазақстан Жазушылар одағы мен Журналистер одағының мүшесі, белгілі қаламгер, аудармашы, сазгер, Қордай ауданының құрметті азаматы Бақытжан Кененұлы Әзірбаев, «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Жамбыл облыстық филиалының төрағасы, Мәдениет саласының үздігі, композитор Дүйсен Дыбысалыұлы Бықыбаев, Құрманғазы атындағы Қазақ Ұлттық консерваториясының «Фольклорлық ғылыми-зерттеу» лабораториясының меңгерушісі, «Халық әні» кафедрасының аға оқытушысы, әнші, сазгер, PhD (философия докторы) Бағлан Жолдасқызы Бәбіжан, Қазылар алқасының мүшесі: Қазақстанның еңбек сіңірген қайраткері, әнші Саят Қабылұлы Медеуов болды.

Конкурсты тамашалауға Халықаралық конкурстарының лауреаты, Президент кубогының иегері, «Кенен Ата» қорының төрағасы, Кенен Әзірбаевтың мұрагер-немересі және насихаттаушысы Мұхтар Бақытжанұлы Әзірбаев, Кенен атаның келіні Бақытжан Сағынбекқызы келді.

Конкурс соңында «Шырқа, даусым» конкурсынан шыққан лауреаттар мен танымал өнер шеберлерінің қатысуымен «Кененнің ізбасарлары» атты думанды концерт берілді.

Қосымша ақпараттар: іс-шараны «Жамбыл» телеарнасы толық түсіреді. Ақпараттар zhofil.kz филармония сайтына, filarmoniyа_kenen facebook және Instagram әлеуметтік желілеріне салынады.