16 наурызда сағат 17.00-де Кенен Әзірбаев атындағы Жамбыл облыстық филармониясының "Алатау" фольклорлық ансамблі Наурыз мерекесі аясында "Көрісейік ағайын" атты онлайн концертін ұсынды.

Концертте "Тараз" триосы, Бақыт Шағырбаев, Жақсылық Тілеубеков, Оңал Азаматова, Айгүл Мақашева, Айгүл Есекеева, Әділет Әбдікерімов, Нұргүл Абдрашева өнер көрсетті.

Ансамбльдің көркемдік жетекшісі ҚР Мәдениет саласының үздігі Дастан Көреген қалың көпшілікті келе жатқан Ұлыстың Ұлы күнімен құттықтады. Сонымен қатар фольклорлық ансамбль көрермендерге жаңа репертуарларын паш етті.