«Ерлік күніне» және Қазақстан Республикасы жеке құрама атқыштар батальонының Тәжікстан мемлекетінен қайтканына 20 жыл толуына орай Тәжік – Аған әскери ұрыс-қақтығыстарына қатысқан ардагерлерді еске алу кеші өтті. Қазақстан Республикасы Ұлттық ұланында бұл күн жыл сайын «Ерлікке тағзым күні» болып аталып өтіледі. Еске алу шаралары, елді, өскелең жас ұрпақты елдікке, ерлікке, бірлікке шақыруға арналған тағылымдық шаралар жер-жерде, республика бойынша әр әскери бөлімде өткізіледі.

Салтанат жиын барысында әскери қақтығысқа қатысқан бірқатар азаматтар марапатталды. Жиын соңы Кенен Әзірбаев атындағы Жамбыл облыстық филармониясының концертімен аяқталды.