«Рухани жаңғыру» бағдарламасы аясында, күйшілік өнердегі өзіндік қолтаңбасын таныту, рухани қазынамызға айналған шығармаларын кеңінен насихаттау мақсатында ағымдағы жылдың 20 қазанында сағат 18.00-де, «Баласағұн» орталық концерт залында Қазақстанның еңбек сіңірген қайраткері, «Парасат», «Құрмет» ордендерінің иегері, күйші-композитор Әбдімомын Желдібаевтың 85 жас мерейтойына арналған К.Әзірбаев атындағы Жамбыл облыстық филармониясы Қазақ ұлт-аспаптар оркестрінің «Күмбірле күйім, елімде!» атты онлайн концерттік бағдарламасы өтті.

Бағдарламада: күйші-композитордың «Шабыт», «Әулиеата», «Бозжігіт», «Көкшолақ», «Толғау», «Өмір-дастан», «Әділхан», «Ыдырыс», «Самғау», «Нұрсұлтан» поэмасы, «Жарылқап батыр» сынды көптеген күйлері мен әндері көрерменге ұсынылды.