21 қазанда халық әртісі, композитор Сыдық Мұхамеджановтың туғанына 100 жыл толуына орай, сазгердің өмірі мен шығармашылық жолдарын өскелең ұрпаққа өнеге тұтып, жастардың кітап оқуға құлшынысын арттыру, еліне, жеріне деген сүйіспеншіліктерін арттыру мақсатында Жамбыл облыстық көзі көрмейтін және әлсіз көретін азаматтар кітапханасы мен Кенен Әзірбаев атындағы Жамбыл облыстық филормониясының «Ән-жырым саған, туған жер!» атты еске алу кеші өтті.

Кеш «Шабыт» би ансамблінің мың бұралған биші қыздарының «Өрнек» биімен ашылып, сазгердің өмір жолына шолу ретінде «Музыка Музарты» бейнеролигі көрсетілді. Сондай-ақ, Кенен Әзірбаев атындағы Жамбыл облыстық филормониясының әншілері композитор шығармашылығындағы «Тербеледі тың дала», «Көктем вальсі», «Есіңде бар ма жас күнің?» атты әндерін нақышына келтіріп шырқады. Шара соңында «Өнердің биік тұлғасы» атты кітап көрмесіне библиографиялық шолу жасалды. Ал, кешке жиналған ұстаздар мен оқушылар кітапхана мен облыстық филормония ұжымының жұмыстарына толағай табыс тілеп, алғыстарын білдірді.