21 қарашада К.Әзірбаев атындағы Жамбыл облыстық филармониясының бишілерінің қатысуымен Қазақстанның еңбек сіңірген мәдениет қызметкері, балетмейстер, «Айша бибі» би ансамблінің негізін қалаушы Байдәулет Сазабековпен тәлім сағаты өтті. Кездесу барысында өнер шеберлерінің шығармашылық жолы айтылды. Сонымен қатар, қазақ би өнерінен әңгіме болды. Кейіпкерге әртістер тарапынан сұрақтар қойылып, жауаптар алынды. Өнер ұжымы қонаққа құрмет танытып, алғыс білдірді.