Жамбыл облысы әкімдігінің мәдениет және тілдерді дамыту басқармасының "Кенен Әзірбаев атындағы Жамбыл облыстық филармониясы" КМҚК

Мекенжай

Тараз қ, Төле би көш, 89

Байланыс Телефоны

+7 (7262) 34-29-59

Жұмыс уақыты

Дүйсенбі - Жұма: 09.00 - 18.00

Басты бет / Медиа / Жаңалықтар / Халықаралық әйелдер күніне орай мерекелік концерт өтті

Халықаралық әйелдер күніне орай мерекелік концерт өтті

Тараз қаласындағы «Баласағұн» орталық концерт залында 8 наурыз – Халықаралық әйелдер күніне орай салтанатты жиын өтті. Бұл кеш нәзік жандыларға деген құрмет пен алғысқа толы мерекелік шараға айналды.

Жиын облыс әкімі Ербол Қарашөкеевтің жылы лебізімен ашылып, аймақтың әлеуметтік-экономикалық дамуына сүбелі үлес қосқан әйелдер қауымы арнайы марапатталды.

Кештің екінші бөлігі Кенен Әзірбаев атындағы Жамбыл облыстық филармониясының ұйымдастыруымен өткен “Ана жүрегі” мюзикл форматындағы ерекше концертке ұласты. Бұл кеш бұрынғыдан өзгеше, жарқын, әрі көрермендердің көңілінен шыққан ерекше мерекелік қойылым болды.

Сахна төрінде филармония әншілері мен бишілері, сондай-ақ, Асқар Тоқпанов атындағы облыстық қазақ драма театрының әртістері, “Шолпы” және “Риверданс” би ансамбльдері өнер көрсетті. Олар өздерінің шеберліктерімен залға жиналған көрермендерді тәнті етіп, ерекше әсер сыйлады.

Кештің қонақтары, халықтың сүйікті жұлдызды жұбы – Жанболат пен Жазира өз әндерімен тараздықтарды шаттыққа бөлеп, мерекелік көңіл-күй сыйлады. Әсем әуенге бөленген кеш барысында көрермендер әншілерге қосылып, зал шынайы эмоция мен көтеріңкі көңіл-күйге бөленді.

Мерекелік кеш Ескендір Хасанғалиевтің “Анаға сәлем” әнімен түйінделді. Бұл жүрекке жылы тиетін әнді көрермендер де қосыла шырқап, кешті ерекше әсермен аяқтады.

Осындай ғажайып кеш нәзік жандыларға деген алғыс пен құрметтің белгісі ретінде ұзақ уақыт есте қалары сөзсіз.